• История -Публицистика -Психология -Религия -Тюркология -Фантастика -Поэзия -Юмор -Детям                 -Список авторов -Добавить книгу
  • Константин Пензев

    Хемингуэй. Эпиграфы для глав

    Мусульманские праздники

    Тайны татарского народа


  • Полный список авторов

  • Популярные авторы:
  • Абдулла Алиш
  • Абдрахман Абсалямов
  • Абрар Каримулин
  • Адель Кутуй
  • Амирхан Еники
  • Атилла Расих
  • Ахмет Дусайлы
  • Аяз Гилязов
  • Баки Урманче
  • Батулла
  • Вахит Имамов
  • Вахит Юныс
  • Габдулла Тукай
  • Галимжан Ибрагимов
  • Галимъян Гильманов
  • Гаяз Исхаки
  • Гумер Баширов
  • Гумер Тулумбай
  • Дердменд
  • Диас Валеев
  • Заки Зайнуллин
  • Заки Нури
  • Захид Махмуди
  • Захир Бигиев
  • Зульфат
  • Ибрагим Гази
  • Ибрагим Йосфи
  • Ибрагим Нуруллин
  • Ибрагим Салахов
  • Кави Нажми
  • Карим Тинчурин
  • Каюм Насыри
  • Кул Гали
  • Кул Шариф
  • Лев Гумилёв
  • Локман-Хаким Таналин
  • Лябиб Лерон
  • Магсум Хужин
  • Мажит Гафури
  • Марат Кабиров
  • Марс Шабаев
  • Миргазыян Юныс
  • Мирсай Амир
  • Мурад Аджи
  • Муса Джалиль
  • Мустай Карим
  • Мухаммат Магдиев
  • Наби Даули
  • Нажип Думави
  • Наки Исанбет
  • Ногмани
  • Нур Баян
  • Нурихан Фаттах
  • Нурулла Гариф
  • Олжас Сулейменов
  • Равиль Файзуллин
  • Разиль Валиев
  • Рамиль Гарифуллин
  • Рауль Мир-Хайдаров
  • Рафаэль Мустафин
  • Ренат Харис
  • Риза Бариев
  • Ризаэддин Фахретдин
  • Римзиль Валеев
  • Ринат Мухамадиев
  • Ркаил Зайдулла
  • Роберт Миннуллин
  • Рустем Кутуй
  • Сагит Сунчелей
  • Садри Джалал
  • Садри Максуди
  • Салих Баттал
  • Сибгат Хаким
  • Тухват Ченекай
  • Умми Камал
  • Файзерахман Хайбуллин
  • Фанис Яруллин
  • Фарит Яхин
  • Фатих Амирхан
  • Фатих Урманче
  • Фатых Хусни
  • Хабра Рахман
  • Хади Атласи
  • Хади Такташ
  • Хасан Сарьян
  • Хасан Туфан
  • Ходжа Насретдин
  • Шайхи Маннур
  • Шамиль Мингазов
  • Шамиль Усманов
  • Шариф Камал
  • Шаукат Галиев
  • Шихабетдин Марджани
  • Юсуф Баласагуни




  • Юнусов Жаудат

    Законлы комментарий

    (юмореска)

    Тегени муниципаль районының “Фәлән авыл җирлеге” муниципаль оешмасы җирләре чикләренең картографик билгеләмәсенә (“Тегени муниципаль районы” муниципаль берәмлегенең һәм аның составындагы муниципаль берәмлекләрнең территорияләре чикләрен билгеләү һәм аларның статусы турында” Законның 1 кушымтасына) шул авыл кешесе Белдекле Җаббар комментарие.

    Фәлән авылына тиешле җир кишәрлекләренең чиге, Төгән авылы ягындагы Шүрәле чокыры буендагы кәкере наратларның, Атсыз Әгъзам кизләве ягыннан санаганда, җиденчесе төбендә башлана да, Фәләннән Фәсмәтәнгә бара торган юл буена утыртылган агачлар рәте беткән урындагы, инде 1978 елны ук күмелеп, хәзер кычыткан белән капланып беткән үләт базыннан төньякка табан 2,33 чакрым чамасы бара, шуннан соң, басу буйлап якынча 631 адым, югалган савым аппараты бидоны аркасында Тукран Мортазасының хатыны сыер савучы Озын Зөлайха белән талашкан һәм аны “сасыган балык” дип үртәгән, шуның аркасында кибеттә боламыклы винога чиратта торган җиреннән Тукран Мортазасы тарафыннан алып очыртылган һәм дояркалар кулы белән рәхимсез рәнҗетелгән чатан көтүче Имаметдин бер ботагын яндырган ялгыз имәнгә кадәр, сузыла, аннары төп-төгәл 237 адым гел җил кузгала торган якка бара, шуннан чама белән ике йөзләп адым мал брачы Хамәтҗанның шома пеләше кебек тигез кыр буйлап уза, инде килеп, шайтан таягы урман кебек үрчегән төбәк буйлап 778ләп адым узгач, мидәлсез Фронтовик Ширияздан әллә кайчан, төгәлрәге 1964 елны ук, баткаклыкка батырып калдырган, әле хәзергәчә тартып чыгарылмаган һәм, әлбәттә, соңгы башмагына кадәр таланып беткән ДТ-54 тракторы тырпаеп торган урынга кадәр дәвам итә, шуннан соң Шайтан (тәүбә әстәгафирулла) канавының төбе буйлап 2194 адым тирәсе, ягъни ак таш чыгарыла торган Бәдри чокырына кадәр, бара (хәзергәчә исән-сау гражданнар сугышы ветераны Габидулла бабай сөйләгәнгә ышансаң, Әхмәдиҗан кулак нәкъ шуннан алган таш белән үзенә ике катлы бәдрәф ясаган булган, аннары, хәчтерүш авылдашларын җәлләп, аны 1932 елны II Интернационал исемендәге колхозга бүләк иткән, колхоз идарәсе учут кенәгәсенә ул бәдрәфне “тегермән” итеп теркәгән), алга табан чик якынча 960 адым Алпавыт урманына таба китә, ягъни теге елларда “Ленин байрагы” колхозының умартачысы булып эшләгән саран Микулайның баштан арендага гына алып торган, ә хәзер инде кортлары һәм оялары белән, кышларлык куышлары һәм өе белән, бер машинасы, ике тракторы, печән чабучы тагылма агрегаты һәм ике ашлык җыю комбайны белән ничектер хосусыйлаштырган умарталыгы юнәлешендә уза, аннары, умарталыкның юл ягындагы иң кырый баганасына 7 адым кала, корыган Зур елга инеше яры буйлап 12 адым аска табан төшә, аннан соң, капма-каршы диярлек юнәлешкә кискен борылыш ясап, корылык елларында салам урынына терлек астына җәя торган камылдан башка үлән дә үсмәгән, шуның аркасында ел саен “Мелиорация җәннәте” дигән конторның эш планына һәм бюджетларына кертелә торган болынга җитә, шуннан чик Күкәйле иңкүлекнең теге ягы буйлап 1018 адымнар чамасы алла белгән кем уйлап тапкан «ЧТЗ акияны» атамалы Югары буага таба бара, аннары кәкере сызык рәвешендә су буйлап (акватория буенча) Акиянның уртасына, ата ялкау янгынчы Закирҗан Халтуридзеның бер тапкыр да туйганчы ашатмаган, шуның аркасында шыр скелетка калдырылган, ахыр чиктә үзенең иблис газраиле Халтуридзедан качып китергә мәҗбүр булган карт алашасы 1983 елда батып үлгән урынга кадәр сузыла, шуннан чик бу як ярга таба перпендикуляр сызык ясый, биредә бөтен печәне ел саен серле рәвештә колхоз рәисе Кәримнең браконьер абыйсы Нарим йортына күчеп бара торган клевер басуының иң биек ноктасына кадәр (координаталары куен дәфтәрендә язылган) менә, аннары сул җилкә аша әйләнеп ярымтүгәрәк рәвешендә бара-бара, дибил холыклы яп-яшь урманчы Харун Әнвәрәвичюсның шәхси табигый ресурслары дип санала торган Казна урманының 68нче кварталының бер почмагын белдергән төпчеккә барып төртелә, шуннан Фәсмәтән юнәлешендә китеп, чик чәршәмбе саен янына «Хрустальная вода» дип язылган фургонлы машина су алырга килеп йөри торган бакалы-кортлы ташландык кое яныннан үтә, аннары Төгән кибетчесе Гыр-гыр Григорий бакчасының иң көньяк коймасына 342 адымнар барып җитмәстән, кыек-мыек боргалана-боргалана, аның җиде ел элек бурап куйган мунча бурасын әйләнеп узып, үз теләге белән пенсиягә чыккан дүрт тапкыр коммунистик хезмәт ударнигы һәм җиде тапкыр социалистик ярыш җиңүчесе Шәмсиганиев Блюхер Моторович үзенең бәрәңге бакчасының почмагы дип санаган электр баганасына җитә, аннан чик туры сызык булып, мәктәп директоры Миндияр Архимандритович аңлатканча, безнең якларда илнең Көнчыгыш чиген япун, кытай, монгол һәм башка Себер халыкларыннан саклар өчен казып өелгән тарихи вал буйлап, башланган ноктасына кадәр бара.

    Юнусов Жаудат
    теги: юмореска на татарском языке.
  • Җәүдәт Юныс:
  • Бер мишар, ике мишар... (җыентык)
  • Тарихи дөреслек дәресләре (хикәя)
  • Сэр мастер, элеккеге терлекче (хикәя)
  • Психология фәне болай ди... (хикәя)
  • Камай һәм К° (хикәя)
  • Алла язган булса (хикәя)
  • Глобаль идея (хикәя)
  • Карак (хикәя)
  • Инспектор (хикәя)
  • Кроссовка турында хыял (хикәя)
  • Без унберәү идек (шигырьләр)
  • Сөлчә–Таити (хикәя)
  • Сугыштан соң (хикәя)
  • Комментарий жителя села Иртэбуран Джаббара Учетчика к картографическому описанию границы территории родной деревни (юмореска)
  • Законлы комментарий (юмореска)
  • Кыска гына закон (юмореска)
  • Коротко и ясно: закон (юмореска)
  • Председатель Татарстана (рассказ)
  • Татарстан рәисе (хикәя)
  • Чечнядан хат (шигырьләр)
  • Мүкләк сыер турында диссертация (юмореска)




  • ← назад   ↑ наверх