Син кулыңа алган шигырьләр җыентыгы минем укучымның беренче дөнья күргән китабы. Бу китапка аның соңгы ике елда язылган шигырьләре һәм мишәрәтләре тупланды.
Ильясов Вәлит безнең авылда туып, Илмин урта мәктәбен тәмамлый. Аннары техникумда укый, институтта югары белем ала һәм туган авылына кайтып хезмәт итә. Ул кече яшьтән шигърият белән кызыксынган шәхес.Мәктәптә укыган вакытта ук аның беренче шигырьләре языла. Бүгенге көндә дә аның шигырьләре һәм җырлары халык телендә яратып сөйләнелә.
Вәлит Ильясовның иҗаты үзенчәлеге белән аерылып тора. Шигырьләренең иң кыйммәтле ягы – халык авыз иҗатына якын булуы, халыкның көнкүрешенә, гореф-гадәтләренә таянып иҗат итүе.
Бу шигырьләр җыентыгы да укучының күңеленә хуш килер дип ният итәбез.
Муракаев Марс Якупович.