• История -Публицистика -Психология -Религия -Тюркология -Фантастика -Поэзия -Юмор -Детям                 -Список авторов -Добавить книгу
  • Константин Пензев

    Хемингуэй. Эпиграфы для глав

    Мусульманские праздники

    Тайны татарского народа


  • Полный список авторов

  • Популярные авторы:
  • Абдулла Алиш
  • Абдрахман Абсалямов
  • Абрар Каримулин
  • Адель Кутуй
  • Амирхан Еники
  • Атилла Расих
  • Ахмет Дусайлы
  • Аяз Гилязов
  • Баки Урманче
  • Батулла
  • Вахит Имамов
  • Вахит Юныс
  • Габдулла Тукай
  • Галимжан Ибрагимов
  • Галимъян Гильманов
  • Гаяз Исхаки
  • Гумер Баширов
  • Гумер Тулумбай
  • Дердменд
  • Диас Валеев
  • Заки Зайнуллин
  • Заки Нури
  • Захид Махмуди
  • Захир Бигиев
  • Зульфат
  • Ибрагим Гази
  • Ибрагим Йосфи
  • Ибрагим Нуруллин
  • Ибрагим Салахов
  • Кави Нажми
  • Карим Тинчурин
  • Каюм Насыри
  • Кул Гали
  • Кул Шариф
  • Лев Гумилёв
  • Локман-Хаким Таналин
  • Лябиб Лерон
  • Магсум Хужин
  • Мажит Гафури
  • Марат Кабиров
  • Марс Шабаев
  • Миргазыян Юныс
  • Мирсай Амир
  • Мурад Аджи
  • Муса Джалиль
  • Мустай Карим
  • Мухаммат Магдиев
  • Наби Даули
  • Нажип Думави
  • Наки Исанбет
  • Ногмани
  • Нур Баян
  • Нурихан Фаттах
  • Нурулла Гариф
  • Олжас Сулейменов
  • Равиль Файзуллин
  • Разиль Валиев
  • Рамиль Гарифуллин
  • Рауль Мир-Хайдаров
  • Рафаэль Мустафин
  • Ренат Харис
  • Риза Бариев
  • Ризаэддин Фахретдин
  • Римзиль Валеев
  • Ринат Мухамадиев
  • Ркаил Зайдулла
  • Роберт Миннуллин
  • Рустем Кутуй
  • Сагит Сунчелей
  • Садри Джалал
  • Садри Максуди
  • Салих Баттал
  • Сибгат Хаким
  • Тухват Ченекай
  • Умми Камал
  • Файзерахман Хайбуллин
  • Фанис Яруллин
  • Фарит Яхин
  • Фатих Амирхан
  • Фатих Урманче
  • Фатых Хусни
  • Хабра Рахман
  • Хади Атласи
  • Хади Такташ
  • Хасан Сарьян
  • Хасан Туфан
  • Ходжа Насретдин
  • Шайхи Маннур
  • Шамиль Мингазов
  • Шамиль Усманов
  • Шариф Камал
  • Шаукат Галиев
  • Шихабетдин Марджани
  • Юсуф Баласагуни




  • Гөлнур Әхмәдуллина-Архипова

    Гөлнур Әхмәдуллина-Архипова

    Җан авазы

    Гөлнур Әхмәдуллина-Архипова тумышы белән Балык Бистәсе районыннан. Казан дәүләт педагогика университетын тәмамлый һәм гомере буе укытучы булып эшли. Мөгаллимлек эше белән бергә шигырьләр һәм повестьлар да иҗат итә. Ул – "Син киткәч", "Син бар" һәм "Ялгышу" дип аталган китаплар авторы.

    Сер 
    
    Үткәнем – ул иде!!! 
    Бүгенгем – син… 
    Киләчәгем – кем??? 
    Белмим. 
    
    Үзем 
    
    Син: "Кояшым", – дидең. 
    Ышанмыйм. 
    Күктә Кояш бар бит инде. 
    Ә минем 
    Икенче буласым килми. 
    Берәү генә булыйм – 
    Кояш та, Ай да түгел – 
    Бары Үзем! 
    
    *** 
    Сөюнең кадере калмады – 
    Замана шаукымы 
    Кешене алдады. 
    Назларның кадере калмады – 
    Сөюсез яратып, 
    Югалттык чаманы. 
    Намусның кадере калмады – 
    Явызлык ялкыны 
    Вөҗданны ялмады. 
    Онытты замана, 
    Онытты Алланы... 
    
    Җырлар җыям 
    
    Язлар белән язам – 
    Бөре шыта. 
    Җәйләр белән язам – 
    Чәчәк атам. 
    
    Көзләр белән язам – 
    Яфрак коям. 
    Кышлар белән язам – 
    Яз җылысын тоям, 
    Нәфис кар бөртегенә дә 
    Җаным сыя... 
    
    Мин туялмыйм яшәп – 
    Һәр бөртектән җырлар җыям... 
     
    Бер кочак сөю 
    
    Сине көтеп зарыкканмын, 
    Сөюләрем бер кочак. 
    Пар кулыма пар булмасаң, 
    Сүнәр күк янган учак, 
    Ул учак – минем кочак. 
    
    Өтелү 
    
    Күзләрең өтеп алды, 
    Керфекләрем көйде. 
    Әллә йөрәгемә 
    Сөю килде? 
    Күзең өтеп алды – 
    Җаным көйрәп янды, 
    Мин сөелеп калдым... 
    
    *** 
    Җиремә ишелеп яуды 
    Кышның соңгы кары. 
    Әрнүләрем әче әрем булып 
    Шытып чыгар, ахры. 
    Күмеп китә алмады кыш 
    Ачынуын күңелемнең. 
    Күрдеңме әрнүләремнең 
    Ак кар булып сибелүен? 
    Бу – соңгы ярсынуымдыр. 
    Бу – соңгы түгелүем... 
    
    *** 
    Мин берни белми идем – 
    Аңлаттың: 
    Сызылып атуларын таңнарның, 
    Ап-ак икәнлеген карларның, 
    Тирән икәнлеген хисләрнең дә – 
    Минем синле хәзер кичләрем. 
    
    Мин берни күрми идем – 
    Күрсәттең: 
    Кояш баешының кызыллыгын, 
    Алдагы юлның озынлыгын, 
    Якты булуын айсыз төннәрнең дә – 
    Минем синле хәзер көннәрем… 
    
    Син – мин 
    Минем тәхет – 
    Синең җылы кочак, 
    Мин – алиһә шул чак. 
    
    Минем бәхет – 
    Синең нурлы йөзең. 
    Син – җырланыр сүзем. 
    
    Минем язмыш – 
    Синле-синсез йөрәк, 
    Сандугачсыз тирәк. 
    
    Сөюсез ярату 
    
    – Кыядан очкан ташларга 
    Абынмам, 
    Тиң булмаган ярларга 
    Табынмам, – 
    Дигән идем. 
    – Ак хыялларым болганмас 
    Ташудай, 
    Үзем аның өчен кабат 
    Шашынмам, – 
    Дигән идем. 
    Килеп кердең дә 
    Кинәттән – 
    Уйларымны тараттың… 
    Җаннарыма әрнү алып, 
    Сөюләрсез яраттым. 
    
    Табыну 
    
    Мин сиңа табынмадым, 
    Син миңа табынмадың. 
    Сине күргәч, абынмадым, 
    Син дә бит абынмадың. 
    
    Бер сукмактан атламадык, 
    Таңнар да аттырмадык. 
    Күктән йолдыз чүпләмәдек, 
    Аерылгач, кайгырмадык. 
    
    Кисәк… Төннәр яктырды да 
    Ай нурын бергә эчтек. 
    Әйтерсең лә йөрәкләргә 
    Айның сагышы күчте. 
    
    Иреннәр татлы иде дә, 
    Сагышлар ачы иде. 
    Бу безнең ялгыш сөюнең 
    Әремдәй яше иде. 
    
    Син миңа табынмадың, 
    Мин сиңа табынмадым. 
    Кар астында эзләр калды – 
    Аларга кагылмадым. 
    
    *** 
    – Син җир кызы түгел, 
    Син – алиһә, – дидең бүген. 
    Күзләреңдә – сөю, 
    Сүзләреңдә – сафлык, 
    Ал кояшлы күгем. 
     
    – Син – алиһә! – шушы сүзең 
    Яшел үлән, ап-ак чәчәк. 
    Язга күчте салкын көзем. 
    – Син – алиһә! 
    Күзләремдә калсын күзең, 
    Ә йөрәктә – шушы сүзең... 
    
    *** 
    Көчле булдым гомер буе, 
    Инде көчсез буласымы? 
    Көчле иңнәргә таянып 
    Гомер юлын узасымы? 
    
    – Көчленеке замана, – дип 
    Әйтәләр, бу дөрес микән? 
    Бары нахак, ялган сүзләр 
    Көчлеләрне көчсез иткән. 
    
    Синең иңне көчле диеп 
    Килә кайчак таянасым. 
    Көчсез булып кыланмыйча, 
    Көчле булып баш куясым... 
    
    Адаштым синсез генә 
    Мин сине үзем югалттым, 
    Бары тик үзем генә! 
    Калды бәгырьне әрнетеп 
    "Көт!" – дигән сүзең генә. 
    
    Мин сине үзем яраттым, 
    Бары тик үзем генә! 
    Калды йөрәкне сызлатып 
    "Юк!" – дигән сүзең генә. 
    
    Мин бары үзем ашыктым, 
    Бары тик үзем генә. 
    Ялгыштым, үзем ялгыштым. 
    Адаштым синсез генә. 
    
    *** 
    Син бүтән килмәссең инде, 
    Җанымнан кудым сине. 
    Ялгышлар илендә булган 
    Язмышым идең минем. 
     
    Синсез генә китәрмендер, 
    Басып йөрәк ярсуын. 
    …"Ярты бәхет – бәхет түгел!" – 
    Диде чал Чулман суы. 
    
    *** 
    Ялгыш очрашты карашлар, 
    Ялгыш тоташты куллар, 
    Ялгышлы язмышка илтте 
    Ялгыш очрашкан юллар. 
    
    Язмыш йомгагы сүтелде – 
    Ялгыш төрелгән иде. 
    Ялкыны учакның сүнде – 
    Ул бит сүрелгән иде. 
    
    Ялгышлы язмышлар җиле 
    Исмәсен иде кабат. 
    ...Таң алдыннан төшкә кердең, 
    Төштә ялгышсыз ярат! 
    
    *** 
    Нигә кагылдың миңа 
    Син назлы кулың белән? 
    Нигә кердең җаннарыма 
    Бер йотым сөю белән, 
    Оста уйныйсың, беләм... 
    
    Син бар... 
    
    Сүз бирдем бүген үземә – 
    Синең хакта уйламаска, 
    Сине күргәч сөенмәскә – 
    Яшь бала күк куанмаска. 
     
    Сүз бирдем бүген үземә – 
    Сиңа бүтән күренмәскә, 
    Алмагачтагы алмага 
    Хәва кебек үрелмәскә. 
    
    Сүз бирдем бүген үземә – 
    Син генә дип яшәмәскә. 
    Йөрәктә күк күкрәсә дә 
    Сине күргәч яшьнәмәскә. 
    Сүз бирдем әле бүген... 
    Үземә үзем.. 
    
    *** 
    Сары сагышлар иленә 
    Тагын килдем. 
    Күлмәгемнең мин сарысын 
    Алып кидем. 
    
    Кара яңгырлар иленә 
    Ялгыз кердем. 
    Күз яшемнең ут бөртеген 
    – Мә, ал! – дидем. 
    
    Сары түгел, кара сагыш 
    Җан урады. 
    Сөюемне сары көздә 
    Ят урлады. 
    
    Җан әрнетеп, көзләремдә 
    Тагын калдым. 
    Кара яңгырлар илендә 
    Сөю янды... 
    
    Яфрак мәхәббәте 
    
    Яфракларның җиргә очкан чагы. 
    Күңелләрнең моңсулыкка төренеп 
    Сары сагышларны кочкан чагы. 
    
    Яфракларның җиргә яткан чагы. 
    Сагынуларга, әрнүләргә түзми 
    Йөрәкләрнең учак яккан чагы. 
    
    Яфракларның җирне сөйгән чагы. 
    Парсызларның ялгызлыктан качып, 
    Сөйгәннәрен генә эзләр чагы. 
    
    Яфракларның җирне үпкән чагы. 
    Иреннәрнең сине юксынып, 
    Сиңа сусап, сине көткән чагы… 
    Яфракларның җиргә очкан чагы. 
    
    *** 
    Әллә нигә таң алдыннан 
    Йокыларым качты күземнән. 
    Уем белән артларыңнан киттем, 
    Уем белән чаптым эзеңнән. 
    
    Әллә нигә тагын яр буена 
    Килеп чыктым ялгыз сукмактан. 
    Алларымда чайрап Чулман ята, 
    Кай арада сызылып таң аткан. 
    
    Әллә нигә тагын сине уйлап 
    Уем оча булып күбәләк. 
    Әллә күзләремнән яшем тамды, 
    Чык коелды бугай тәгәрәп...
    

    Гульнур Ахмадуллина-Архипова

    Гульнур Ахмадуллина-Архипова, Гөлнур Әхмәдуллина-Архипова
    теги: Гөлнур Әхмәдуллина-Архиповая, Гульнур Ахмадуллина-Архипова, татарская поэтесса
  • Гульнур Ахмадуллина-Архипова:




  • ← назад   ↑ наверх